• ×

06:30 مساءً , الثلاثاء 5 صفر 1442 / 22 سبتمبر 2020


يــاسـعـــــود....!

زيادة حجم الخط مسح إنقاص حجم الخط

يــاسـعـــــود....!

ياسعـود... احفـظ للزمن هالعـبارات

واحفـظ كـلامـي فـي حـروف القصيده

هـذا الزمـن يابـوك مابـه صـداقات

مابـه سـوى جـرح ٍولـوعـه فـريـده

مـصـالح ٍتـبقى على كـل الاوقـات

وكـل ٍيـدور لـه مـصـالـح جـديـده

مابه سـوى من عاش عمره بضـحكات

وان جـيـت لـه هـم اللـيـالـي يـزيده

خـلك مع اللي لاقـسى الوقـت بآهات

ياقـف مـعـك دام المـواقـف شـديـده

واحرص على شخص له العز رايات

والـلي عـلى الـفـزعـات يـبـقى وليده

عـلى صـديقـه مايحـسب بـزلات

فـيـه الخـصال الطـيـبه والحـمـيده

والديـن لاتـنساها هيهـات هيـهات

كـانـك تـبي طـعـم الحـياة السعـيده

هـذا الـزمـن ياسعود فيه المـعانات

احـذر تـرى دنـياك هـمـك تـعـيده

ولاتحـسب انـك في حـياة الوناسات

احفـظ مع الايـام واعـرف جــديـده

ولاتطـرد المقـفـين لو ذقـت ويلات

مـوت الشـرف ولا الحـيـاة الـنكـيـده

احذر تعيـش بدرب سـود المـتاهات

واذكــر وش الـلي فـي حيـاتـك تـريده

ودرب المـوده ماتجـي فيـه حسرات

الا بـعــد صـوت ٍ يـعـذب نـهـيـده

واذكـر بـدايـه هالزمـن والنهايات

وسـوالـف الــماضـي وذكـرى اكـيـده

والجـود لاتـنـساه يبـقى مـنارات

عــز ٍبـقـى للـطيــب يسـقي وريـده

والجـار والخـوه ودرب المـروات

حــافظ عليـهـن والوصــل لاتـبـيـده

وصيـتي يابـوك حفـظ العـبارات

وذكـر الحـروف وحفـظـها بالقـصــيده


الشاعر / فهيد سعود البقعاوي
fhedxalbaqawe@


 2  0  1005
التعليقات ( 2 )

الترتيب بـ
الأحدث
الأقدم
الملائم
  • #1
    1434-12-28 01:16 صباحًا هلالي :
    صح لسانك يابو سعود


    لاتحرمنا من ابداعاتك دووووم..
  • #2
    1435-01-13 12:09 صباحًا سعيد النابت :
    والجـار والخـوه ودرب المـروات


    صح لسانك ابو سعود

    تمنيات لك بالصحه و العافيه وأن يستمر عطاك
جميع الأوقات بتوقيت جرينتش +3 ساعات. الوقت الآن هو 06:30 مساءً الثلاثاء 5 صفر 1442 / 22 سبتمبر 2020.