• ×

06:29 مساءً , الأحد 17 ذو الحجة 1440 / 18 أغسطس 2019


سعودية الامجاد

زيادة حجم الخط مسح إنقاص حجم الخط
سعودية الامجاد

يابوي عبدالله عساني فدياك
من قلب شايلك حنان وموده

روضت قاف الشعر يظهر مزاياك
اللي وهبك الله جزره ومده

ياصقر عالي وجهتنا وصاياك
حرن ولد حرن وكلٍ بجده

اكرمت شعب المملكة سيف يمناك
ورفعت مجدك في مواقيف عده

ونادى القريب وقاصي الدار لاقاك
في نصرك اللي ماتعداك حده

واخذت تبني عرش عزك من اباك
وتاخذ من اوقات الرخا وقت شده

تعدل وشرع الله بالحكم مبداك
سيف العداله منهجك ماتصده

كريم يمنى في عطاياك واخطاك
الخير وافي في ظهوره وسده

نمشي معك ياسيدي حيث ممشاك
والعلم من رأسك ابد مانرده

عزيتنا رزيتنا في حماياك
نرقد بامان الله من غير عده

سعودية الامجاد من صيت علياك
صيتٍ بنيته من جبينه لخده

كلٍ طلب فزعتك منوه وترجاك
لانك حكيم بنظرة العين حده

مايعتلي قولٍ على قول شرواك
من شامها للشرق لحدود جده

جعل المنيه والصوادف تعداك
والشر من دونك يعود مهده

ويالله عساني بكل مملك فدياك
اقولها من قلب صادق بوده

غز
يل سعد_الملتاعة

 0  0  113
التعليقات ( 0 )