• ×

07:12 مساءً , الجمعة 19 صفر 1441 / 18 أكتوبر 2019


مجرد حلم

زيادة حجم الخط مسح إنقاص حجم الخط
مجرد حلم

ادق الرقم واتراجع واقول لنيتي بعدين
خـجل والا عدم تأكيد باللي ودي اقوله

اخاف ان قلت له أهواك يفهمها على الحبلين
وهذا اللي يخوفني واقول لنفسي وش هوله

احبه من طلع بين الخلايق واشتهر بسنين
ولكن صعب اوصله حنين القلب وميوله

اخاف اني اصرح باسم محبوبي على الجنسين
ويوصفني كثير من العرب هالبنت مهبوله

واخاف اليا درى في حال امري مايلد بعين
لوضعٍ لو درابه ما تاخر شايل احموله

اتابعه النظر واحفظ تقاسيم انفعاله زين
الا يازين درٍ من ثنايا جات مقيوله

جرحني وده اللي مادرابه عازف اللونين
اعذر اللي هويته مادرى عن عشق مقتوله

سعيده في هوى منهو سكن في مهجتي والعين
يسامرني خياله وانتبه واصحى على زوله

الا يامن يوديه الخبر عن حالة الامرين
حياة العشق وظروفي تنادي للامل حوله

ابجلس في جواره واتأمل كاتب الحرفين
يكفيني فخر لو هو كتب فيني وغنوله

واطير من الفرح واقول لامال العمر تكفين
تخليني مع احلامي براءة عالم اطفوله

واقول للي ضحك بالامس يلفيني بعد يومين
وراقب اندهاش اوجوه بدت بالفعل مذهوله

اقول الدنيا ضحكت لي بعد مانلت منها الشين
يوم ان الحظ جايب لي حبيبٍ قلت ماطوله

مجرد حلم واتمنى اعيشه واقعٍ لو حين
الا ياكبر حظي لو تحقق حلمي بوصوله

عسى يقرأ بيوت الشعر ماينظر لها بعدين
ويبادر باتصاله
سيدي وانشد لطبوله

كلمات :غز
يل سعد
الملتاعة

 0  0  199
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:12 مساءً الجمعة 19 صفر 1441 / 18 أكتوبر 2019.